Захааминай аймагай уран hайханай шэглэлэй Сахирай юрэнхы болбосоролой интернат дунда hургуулида можохоорондын профильно халаан үнгэрбэ гэжэ hануулая. Энэ халаанда Усть-Ордагай ба Агын буряад тойрогуудһаа, Буряад Уласай угсаата соёлой шэглэлтэй hуралсалай эмхинүүдэй эблэлдэ ородог hургуулинуудhаа ерэhэн хүтэлбэрилэгшэ багшанартай дүхэриг шэрээ эмхидхэгдэжэ, тэдэнэр дүй дүршэлөөрөө хубаалдаа, мастер-классуудые харуулаа.
Манай hургуулиин бүлгэмэй зүгhөө буряад хэлэ ба уран зохёолой багша Цыдыпова Билигма Доржиевна мастер-класстаа Ага тосхонойнгоо Геройнуудай аллейн баатар сэрэгшэдэй хүшөөнүүд тухай хөөрэжэ, Семён Намоконов тухай текст дээрэ хүдэлүүлжэ, уншалгын шадабари хүгжөөхэ, дээшэлүүлхэ онол аргануудые харуулаа. Үхибүүд халуун альга ташалгаар багшада баярые хүргэбэ.
Тиихэдэ үшөө 8-дахи «алтан» классай hурагша Осоров Даши 3D - моделированяар мастер - класстаа hургуулиингаа IT- куб тухай хөөрэжэ, буряад хубсаhан тухай проектэеэ харуулба, «Biender» гэhэн хабсаралтатай танилсуулжа, yхибуудэй hонирхол татаба.
Мүн баhа табан уулын хоорондо нэмжыhэн Санага нютаг аяншалжа, “Диваажинай орон” гэhэн арт-обьект, Б.М. Дамчеевай нэрэмжэтэ дунда hургуули, хизаар ороноо шэнжэлгын музей хаража, Санагын дасан хүрөөд, Арьяа Баала бурханай асари томо хүрэгтэ мүргэбэд.
Омогорхонобди! Бэрхэнууд! 
Фотографии
